மணிப்பா, ராஜம் மன்னியின் 50வது திருமண நாள்

மணிப்பா, ராஜம் மன்னியின் 50வது திருமண நாள்
SRI K.VISWANATHAN & SMT. RAJAM'S 50TH WEDDING DAY CELEBRATIONS AT CHENNAI
      எல்லோரும் வந்தாச்சா, நாங்க ரெடி - அந்த நாள் ஞாபகம் நெஞ்சிலே வந்தது...

என் பெரியப்பா மகன் மணியண்ணா எனும் மணிப்பா மற்றும் ராஜம் மன்னியின் 50வது திருமண நாள் விருந்து சென்னை நியு உட்லேன்ட்ஸ் ஓட்டலில் 29ம் ஏப்ரல் 2012 அன்று மிகச்சிறப்பாக நடந்தது.


 ஒரிரு நாட்களுக்கு முன்பு மணிப்பா எங்களை இவ்விருந்துக்கு போனில் அழைத்தார். 29ம் தேதி காலை 6 மணிக்கு கோவையிலிருந்து சென்னைக்கு வந்தேன். சுமார் 9 மணிக்கு நானும் சீதாவும் ஒரு வாடகை கார் எடுத்துக்கொண்டு முதலில் பார்த்தசாரதி கோவிலுக்கு சென்றோம். பின் அங்கிருந்து கபாலீஸ்வரர் கோவிலுக்கும் சென்றோம். கோவிலில் 50வது மணநாள்காணும் தம்பதிகளுக்காக சிறப்பு பிரார்த்தனை செய்தோம். பின் சுமார் 12 மணிக்கு நியு உட்லேன்ட்ஸ் ஓட்டலுக்குள் நுழைந்தோம்.

Seetha, Rajam Manni, Manippa & Kumar

(Photo: Sridhar)

மணிப்பாவின் இரண்டாவது மகன் ஸ்ரீதர் மற்றும் மனைவியைப் பார்த்தபின், மணிப்பா மற்றும் ராஜம் மன்னியை சந்தித்து வாழ்த்து கூறினோம்.  அப்போது சுடச்சுட 'சுப்' கொடுக்கப்பட்டது. முரளியின் மனைவி நித்யா எங்களை வரவேற்றாள்.

HOUSE FULL!!

அந்த அறை முழுவதும் பலூன்களால் அலங்கரிக்கப்பட்டிருந்தது. எங்கும் உறவினர்களின் கூட்டம். பாலன் அண்ணா,  ராதை மன்னி, அவர்களது மகள் விஜி,  மாப்பிள்ளை மற்றும் பேரனை பார்த்தோம். சந்திரன் அண்ணா தன் துணைவி ரஞ்ஜனியுடன் வந்திருந்தார். இளம் தாத்தா பாட்டிகளான ரவி, கீதா ரவி, ராஜா ரவி,  மகள் ரேகா மற்றும் அவளது மகளையும் பார்த்தோம். விஜி, சீதா, ரேகா, கீதா போன்றவர்கள் தமாஷாக பேசிக்கொண்டிருந்தார்கள். கீதாவை சீதா வலுகட்டாயமாக பக்கத்து இருக்கைக்கு மாற்றி இளம் அழகிகளோடு போட்டோவுக்கு போஸ் கொடுக்க, கீதா செல்லமாக கோபித்தாள்.

LADIES SPL  - கீதா ரவி, விஜி (பாலப்பா மகள்), சீதா, ரேகா (ரவியின் மகள்)

 மேடையில் மணிப்பாவும், ராஜம் மன்னியும் தங்கள் அருக்கையில் அமர ஒருவர் பின் ஒருவராக அவர்களுக்கு நினைவுப்பரிசு கொடுத்து வாழ்த்துக்களை தெரிவித்தோம். அப்போது ஜெயமணி மன்னி 'என்ட்ரி' கொடுக்க வரிசையாக அனைவரும் எழுந்து நின்று வரவேற்றோம். இவரை தொடர்ந்து இவரது மகள் உஷா (தன் கணவருடன்), குமாரின் மகன் என வந்தனர்.  உஷா சீதாவுடன் சிறிது நேரம் பேசிய பிறகு கடைசியாக, 'நீங்க மைதிலிதானே?' என்று கேட்க, சீதா (கடுப்பாகி)  'மரியாதையா அந்தப்பக்கம் போயிடு' என்று செல்லமாக கோபித்துக்கொண்டாள். சீதா சந்தோஷமா அனைவருடன் பேசி மகிழ்ந்தாள். 'இளம் அம்மா' ரேகா,'என்றும் அழகி' கீதா, நடிகை சுஹாசினி சாயலில் விஜி, 'உயிர் உள்ளவரை உஷா'வுடன் சிறிது நேரம் தமாஷாக நானும் சீதாவும் பேசி மகிழ்ந்தோம்


                   MADE FOR EACH OTHER !!
பிறகு திருமணநாள் காணும் தம்பதிகள் மாற்றிக்கொள்ள  மாலை கொடுக்கப்பட்டது. அப்போது மணிப்பா, தானாக மாலையை தன் கழுத்தில் போட்டுக்கொள்ள, 'அண்ணாவுக்கு என்ன அவசரம்?' என்று தமாஷ் செய்தார்கள். பிறகு, ராஜம் மன்னி, அண்ணாவுக்கு மாலையிட, அண்ணா மன்னிக்கு மாலையிட கைத்தட்டல் பலமானது.

மாலை போடவா? வாங்கோண்ணா...வாங்கோண்ணா

                                     நன்னா பிடிச்சுக்கோ..கட்..கட்

பிறகு, இத்தம்பதிகள் கேக் வெட்டி தங்கள் 50வது திருமண நாளை கொண்டாடினர். சுமார் 20 கேமிராக்கள் அப்போது மின்னியது. மணிப்பா, மன்னிக்கு கேக் ஊட்டி விட்டார். பிறகு மன்னி, மணிப்பாவுக்கு கேக் ஊட்ட, அண்ணா பெரிதாக வாய் திறந்தார். பலத்த கைதட்டலோடு கேக் வெட்டப்பட்டது.

                                    கேக் ஊட்டியாச்சு அதுக்குள்ள...

 வந்தவர்கள் அனவைருக்கும் இத்தம்பதியர் தங்கள் 4 போட்டோக்கள் பதித்த கப்புகளை அழகான சுறுக்குப்பையில் போட்டு நினைவுப் பரிசாக கொடுத்தனர். அதில் நிறைய சாக்லேட்கள் இருந்தன.  அறைமுழுவதும் உறவினர்களின் கூட்டம் வழிந்தது.  முரளி அமெரிக்காவில். அன்னம்,   செல்லா, திருமதி சுவாமி மற்றும் கணேசன் குடும்பத்தினர்கள் மிஸ்ஸிங். பங்கஜம் அக்காவின் கணவரையும் நினைவுகூர்ந்து பார்த்து பேசினேன். திரு கல்யாணம் அவர்களையும் சந்தித்தேன். நீண்ட வருடங்களுக்குப்பிறகு திருமதி மற்றும் திரு அனந்தகிருஷ்ணனை சந்தித்தேன். எனக்கு திருமணம் ஆனபோது இவர்கள் நெல்லையில் இருந்தார்கள், ராதை மன்னியின் அழைப்பை ஏற்று, என் திருமணத்தில் கலந்துகொண்டு சிறப்பித்தார்கள்.

                                  LINED UP -  அனந்த கிருஷ்ணன்,  இரண்டாவதாக பாலப்பா,                பங்கஜத்தின்   ஆத்துக்கார், சந்திரன்,  திருமதி ரஞ்ஜனி சந்திரன்,   கீதா ரவி

அதற்குள் சாப்பாடு தாயாராகிவிட்டது.  பந்திக்கு முந்துங்கோ என குரல் கொடுக்க, சுடச்சுட சாப்பாடு சாப்பிட்டுவிட்டு விடைபெற்றோம். நாங்கள் சென்றமைக்கு அண்ணாவும் மன்னியும் பெருமகிழ்ச்சி அடைந்தார்கள். ராதைமன்னி 'குமார் அடிக்கடி போன் செய்து எங்களோடு பேசுவான்' என்று கூறி மகிழ, 'இவா எங்க ஆத்துப்பக்கம் போனா எங்களை பாக்காம போகமாட்டாடி' என்று ராஜம் மன்னி சொல்லி மகிழ்ந்தார்கள். ஸ்ரீராமை ஏன் அழைத்துவரவில்லை என பலர் கேட்டனர்.
பாலண்ணா மற்றும் சந்திரன் அண்ணா அவர்கள் எனது வேலையைப்பற்றி விசாரித்தார். திருமதி நித்யா முரளியுடன் சிறிது நேரம் பேசியபின் அனைவரிடமும் பிரியாவிடைபெற்று அவசரமாக கிளம்ப ஆரம்பித்தோம். நிறைய உறவினர்கள் பலர் இருந்ததும் அறிமுகம் கிடைக்கவில்லை. ராஜம் மன்னியின் சகோதரி அவரைப்போலவே இருந்ததால் விஜியிடம் கேட்டு தெரிந்து கொண்டேன்.


பிறகு மாலை மணிப்பாவுக்கு மீண்டும் போனில் நான்  நன்றி தெரிவிக்க, 'நீங்க வந்ததுக்கு  நாங்க தானே உங்களுக்கு நன்றி சொல்லனும்' என்று அண்ணா சொன்னார். 'நீயும் சீதாவும்  வந்ததுது ரொம்ப சந்தோஷம் குமார்' என்று  மன்னி சொல்லிய பிறகு மறவாமல், ' நீ கொடுத்த அஷ்டலட்சுமியும் நல்லாயிருக்குப்பா' என்றார். அப்போது ஸ்ரீராம் மன்னிக்கு போனில் வாழ்த்து தெரிவித்தான். ஏப்ரல் 29ம் தேதி ஒரு மறக்க முடியாத நாளாக மணிப்பா, ராஜம்மன்னிக்கு மட்டுமின்றி எங்களுக்கும், புரசைவாக்கம் குடும்பத்தார் பலரை ஒரே இடத்தில்   சந்தித்து மகிழ்ந்தது ஒரு 'திருநாளாக' இருந்தது.

மீண்டும் மணிப்பாவுக்கும் ராஜம் மன்னிக்கும் எங்கள் கே ஆர் குடும்பத்தார் சார்பாக வாழ்த்துக்களும் நன்றிகளும்
Spl thanks to Murali, Nitya Murali (Organizer of the event), Sridhar & Mrs. Sridhar for everything.
என்றும் அன்புடன் குமார்.

RAMKI'S CARTOONS ON EGGS

ராம்கியின் கார்ட்டூன்கள் கோழிமுட்டையின் மீது
ராம்கி (கே ஆர். ராமகிருஷ்ணன்)

கார்ட்டூன்கள் கவலையைத்தீர்க்கும் ஒரு வலிநிவாரணி போன்றது என்று ஒரு முறை திரு ஏபிஜே கலாம் கார்ட்டூன்கள் பற்றி பேசியதை தமிழில் மொழிபெயர்த்து அதை அவருக்கே அனுப்பிவைத்தேன். அவர் பார்த்து ரசித்து ஆல் தி பெஸ்ட் என்று இஆட்டோகிராப் செய்து அனுப்பிவைத்தார்.




சமீப காலமாக என் ஓய்வு நேரத்தில் நான் கார்ட்டூன் வரைவதில் அதிக ஆர்வம் காட்டுகின்றேன்.


பள்ளி பருவத்தில் எனது சகோதரர் திரு. கே ஆர் விஜயராகவன் அவர்கள் பேனாவால் ஒருசிறு கோடுகளால் ஓவியங்கள் வரைவதை பார்த்து, எனக்கும் படங்கள் வரைய ஆர்வமானது. பின் ஒரு சில படங்களை வரைந்தது நினைவு உள்ளது. அதில் நான் வரைந்த ஆஞ்சநேயர் ஓவியம் நன்றாக இருந்ததாக என் உறவினர்கள் சொன்னார்கள். சென்னை சந்தமாமா, மங்கை பத்திரிக்கையில் இருந்த போது தினத்தந்தி பேப்பரில் அவ்வப்போது சிரிப்பு பகுதியில் எனது கார்ட்டூன்கள் ஒருசில வெளியாகியது. என் மதிய நேர சாப்பாட்டு வேலையில் நான் வரைந்த சில கார்ட்டூன்களை சந்தமாமாவில் புகழ்பெற்று விளங்கிய தலைமை ஓவியர் திரு. சங்கர் அவர்களிடம் அடிக்கடி காட்டி எவ்வாறு உள்ளது என கருத்து கேட்பேன். ரொம்ப நல்லா பண்ணுயிருக்கேங்க..இன்னும் நிறைய ஓவியங்கள் தொடர்ந்து வரையுங்க...என்று பாராட்டுவார்.



வனிதா எனும் தெலுங்குப் பத்திரிகையில் ஒரு நாள் ஓவியர் வராததால் கார்ட்டூன் வரைய எனக்கு திரு நரசு என்பவர் வாய்ப்பு கொடுத்தார். அதை சாப்பாட்டு இடைவேலையில் முடித்துக்கொடுத்தேன். மங்கையர் மலரில் ஒரு கட்டுரை எழுதி அனுப்பும்போது அதன் ஓரத்தில் ஒரு சில கார்ட்டூன்களை வரைந்து அனுப்பினேன். அட என்ன ஆச்சர்யம், அக்கட்டுரையோடு எனது கார்ட்டூன்களும் வெளியாகியிருந்தது என் ஊக்கத்தை அதிகமாக்கியது.



மும்பையில் 6 வருடங்கள் வேலைபார்த்தேன். அப்போது ஒரு நாள் தேனா வங்கியில் பணம் எடுக்கச் சென்றிருந்தேன். சற்று நேரமாகவே எனக்கு போர் அடித்தது. அதனால் கையில் செக்புக் போட்டு கொண்டுபோயிருந்த வெள்ளை கவரின் மீது ஏதோ கிறுக்கிக் கொண்டிருந்தேன். அந்த கிறுக்கல் கார்ட்டூன்களாக இருந்ததை பார்த்து பக்கத்தில் இருந்த ஒரு இந்திக்காரர் அதை வாங்கி அப்படங்களை தன்னுடன் வந்தவர்களுக்கு காட்டி பகுத் அச்சாஹே என்று பாராட்டி கைகுலுக்கினார்.

மும்பையிலிருந்து வெளிவரும் பிரபல மும்மை தமிழ்டைம்ஸ் தினசரியில் எனது சிரிப்பு மற்றும் கார்ட்டூன்கள் வெளிவந்துள்து. இப்படி படிப்படியாக கார்ட்டூன்வரைவதில் ஆர்வம் அதிகமானது. தினமலர் வாரமலர் மற்றும் ஆனந்த விகடனில் எனது சிரிப்புகள் வெளிவந்துள்ளன.


எனது கார்ட்டூன்களை மிகப்பிரபல கார்ட்டூனிஸ்ட்களான திரு. திரயம்பக் ஷர்மா மற்றும் மும்பையை சேர்ந்த விவேக் போன்றவர்கள் பார்த்து பாராட்டி மேலும் வரைய ஊக்கமளித்தார்கள். அகில இந்திய கண் மருத்துவர்கள் சங்க மாநாட்டு அப்ஸ்ட்ராக்ட் புக்கில் எனது சேர்மென் டாக்டர் ராமமூர்த்தி அவர்கள் மாநாட்டின் போது போன் பேசுவது கூடாது போன்ற ஒரு கார்ட்டூன் தேவை என்றும், அப்புத்தகம் பிரிண்ட் செய்யும் அதிகாரியிடம் யாராவது கார்ட்டூனிஸிட் இருக்கிறார்களா என்று கேளுங்க என்று என்னிடம் கூறினார். சரி என்று அவரிடம் கேட்க, தற்போது கோவையில் எனக்கு தெரியந்தவர்கள் யாரும் இல்லை என கூறினார். இருப்பினும் எனது ஆர்வம் காரணமாக நானே ஒரு சில கார்ட்டூன்களை வரைந்து என் சேர்மெனிடம் காட்டினேன். அடி நீங்க கார்ட்டூனும் போடுவீங்களா... நல்லா வந்திருக்கே இதையே நம்ப புக்கில் போடலாம் என்று உற்சாகமளித்தார். புத்தகத்தில் வெளியானதும் பலர் என் படத்தை பார்த்து பாராட்டினர்.



அடுத்த ஒரு முறை என் சேர்மென் ஒரு மாநாட்டில் கண் மருத்துவத்தில் தமாஷ் (Humour in Ophthalmology) என்ற தலைப்பில் பேச அவருக்கு அழைப்பு வர, உடனே எனை அழைத்து எனக்கு கார்ட்டூன்கள் வரைய வாய்ப்பு அளித்தார். அப்போது, கார்ட்டூனில் சம்பந்தப்பட்டவர்களின் தலைப் பகுதியை மட்டும் போட்டோவாக வாங்கி, உடல் பாகத்தை கார்ட்டூனாக வரைந்தேன். அவர் த எனது கார்ட்டூன்களை பெரிய ஸ்கிரீனில் போட்டு பேசினார். பலரும் பார்த்து கைதட்டி சிரித்து மகிழ்ந்தனர். பலர் எனது கார்ட்டூன்களை பார்த்து என்னை வெகுவாக அம்மாநாட்டில் பாராட்டினர். முன்னால் தலைவர் டாக்டர் பாபு அவர்களும் எனது கார்ட்டூன் திறமையை பாராட்டி இமெயில் அனுப்பினார்.





ரயிலில் கோவைக்கும் சென்னைக்கும் அவ்வப்போது தனியே செல்லவேண்டியிருக்கும். அப்போது இரவு 9 முதல் 10.30 வரை மிகவும் போர் அடிக்கும். அதனால் எப்போதும் ஒரு நோட்டுபுத்தகமும், 3 கருப்பு ஸ்கெச் பேனாக்களையும் எடுத்துச்செல்வேன். போர் அடித்தால் உடனே ரயிலில் படம் வரைய ஆரம்பித்துவிடுவேன். சக பயணிகள் என் படத்தை பார்த்து பாராட்டுவார்கள். சார் நீங்க கார்ட்டுனிஸ்டா....நீங்க ஓவிய ஆசிரியரா என்று எல்லாம் கேட்பார்கள். அட இல்லைங்க போரடிக்காம இருக்க வரைஞ்சுகிட்டுவரேன் என்றதும், சார் ரொம்ப நல்லா வரையரீங்க...புத்தகங்களுக்கு அனுப்பலாமே என்பார்கள்.


ஒரு முறை வட மாநிலத்திலிருந்து ரயிலில் சென்னைக்கு வந்து கொண்டிருந்த போது ஒரு சமபயணி நான்வரையும் படத்தை பார்த்து, சார் என்னையும் வரைஞ்சுகொடுங்க என்றார். எப்படியோ ஒருவழியாக அவரைப்போலவே வரைந்து கொடுத்தேன். மிகவும் மகிழ்ந்தார். சார் ரயிலைவிட்டு இறங்குவதற்கு முன் நீங்க வரைஞ்ச அனைத்து படங்களையும் எனக்கு கொடுங்க சார். என் மகனிடம் கொடுத்து இதைப்பார்த்து அவனையும் வரையச் சொல்கிறேன் என்று வாங்கி சென்றார். வெளியே ஏதாவது போர்டையும் பேனாவையும் பார்த்தா என் கைகள் வரையத்துடிக்கும். எங்கள் மருத்துவமனையில் தினமும் ஒரு பாஸிடிவ் திங்கிங் தகவலுடன் அதற்கு ஏற்ற கார்ட்டூனையும் வரைந்து சிலசமயங்களில் தமிழாக்கமும் செய்து தகவல்பலகையில் போடுவேன். பலர் இதைப்பார்த்து, படித்து, இதன் நகல் எனக்கு வேண்டும் என்று கேட்டு வாங்கி எடுத்துச்சென்றுள்ளார்கள் என்பது எனக்கு மகிழ்ச்சி தரும் தகவல்.






கோவை தேனா வங்கிக்கு எனது கார்ட்டூன்களை போட்டுக்கொடுத்தேன். வங்கி மேனேஜர் வெகுவாக பாராட்டியதோடில்லாமல் பல இடங்களில் மாட்டியுள்ளார்.


கார்ட்டூன்கள் கோழிமுட்டையின் மீது எப்படி இருக்கு, இன்னும் நிறைய வரைய பயிற்சி எடுக்க வேண்டும் நான் என்பது தெரிகிறதல்லவா?
ராம்கி

அப்போ....அப்போ, இப்போ...............இப்போ

அப்போ....அப்போ
இப்போ...............இப்போ
ராம்கி




அப்போ கையில் நோட்புக்

இப்போ (கம்யூட்டர்) நோட் புக்



அப்போ வகுப்பில் முதலாக வர ஆசை

இப்போ சிறந்த பணியாளராக வர ஆசை



அப்போ டீச்சரைப் பார்த்தாலும், தேர்வு என்றாலும் பயம்

இப்போ அதிகாரியை பார்த்தாலும், டார்கெட்டுக்கும் பயம்



அப்போ கையில் நோ போன்

இப்போ நோக்கியா போன்



அப்போ கையில் பாக்கெட் மணி

இப்போ சம்பளமே பாக்கெட் மணி



அப்போ பட்டாசுக்காக காத்திருப்பு

இப்போ தீபாவளி போனசுக்கு காத்திருப்பு



அப்போ ஸ்கர்ட்

இப்போ மினி கைக்ரோ ஸ்கர்ட்



அப்போ பாடிப்பாவாடை

இப்போ பாடியே ஆடை



அப்போ இரண்டை பின்னல்

இப்போ வாழ்க்கையே பின்னல்



அப்போ வாசலில் மெயிலுக்காக காத்திருப்பு

இப்போ கையில் இமெயிலுக்காக காத்திருப்பு



அப்போ நிறைய நோட்டீசு கல்யாணத்துக்கு

இப்போ நிறைய நோட்டீசு விவாகரத்துக்கு



அப்போ வாசலில் அம்மா காத்திருப்பு

இப்போ வாசலில் நம் குழந்தைக்கா காத்திருப்பு



அப்போ வீட்டிலேயே இனிப்பு

இப்போ இனிப்பு கடையை நம்பியே நம்இருப்பு



அப்போ எப்போதும் சிரிப்பு

இப்போ எப்போதும் கடுகடுப்பு



அப்போ கூட்டுக்குடும்பமே விசேஷம்

இப்போ விசேஷத்தில் தான் ஒன்றுகூடுது குடும்பம்



அப்போ கொஞ்சம் சம்பளம், நிறைய மகிழ்ச்சி

இப்போ கொஞ்சம் மகிழ்ச்சி, நிறைய சம்பளம்



அப்போ கொஞ்சமாய் வியாதிகள்

இப்போ எக்கச்சக்கமாய் மருத்துவமனைகள்



அப்போ காபிகொட்டைக்கு கியூ

இப்போ டாஸ்மார்க்கு கியூ



அப்போ கட்டையில் நம் எரிப்பு

இப்போ கட்டையானபின் எலக்ட்ரிக்கில் நம் எரிப்பு



ஆக எதுவும் மாறவில்லை…………

ஆக எதுவும் மாறவில்லை………………

ராம்கி

POSITIVE THINKING ARTICLES IN TAMIL

இன்றே செய்
RAMKI

காலம் பொன்போன்றது. நாளை என்பது மிகவும் தாமதமாகும் எனவே, இன்றைய தினம் என்பது உங்கள் பொன்னான நேரத்தை பயனுள்ளதாக செலவு செய்ய அருமையா தருணம். இன்றே முடிக்கக்கூடிய வேலைகளை, நாளைக்கு என்று தள்ளிப்போடதீர்கள். முடிவு எடுக்க. முன்னேற்றமடைய, வேலை செய்ய ஏற்றது இன்றைய பொன்னாள் தான். நாளை நடப்பது யாருக்கும் தெரியும்?. ஆனால், இன்று என்பது உங்கள் உள்ளங்கையில் தயாராக, இப்போதே இருக்கிறது. ஒவ்வொரு வினாடியும், உங்களுக்குக் கிடைத்த பொக்கிஷமாக நினைத்து செயல்படுங்கள். அதற்கு ஈடுஇணை எதுவுமில்லை. தயக்கம் எதுவுமின்றி, இப்பொழுதுதே செயல்பட துவங்கவும். நீங்கள் துவங்கியதை வெற்றிகரமாக செய்துமுடிக்க அனைத்துச் சாத்திய கூறுகளும் தயாராக இன்றே இருக்கும் போது, ஏன் நாளைக்கு என தள்ளிப்போடுகிறீர்கள்? இன்று செய்ய துவங்குவது, இன்றே நல்லபடியாக முடியும். எதையும் நாளைக்கு செய்யலாம் என்று இருந்தவிட்டால், அது மறந்து போகலாம் அல்லது செய்ய முடியாமலும் போகலாம் அல்லவா? சாக்குபோக்குச் சொல்பவர்கள் தான், எல்லாவற்றையும் நாளைக்குப் பார்த்துக்கொள்ளலாம், நாளை செய்யலாம் என வந்த நல்ல வாய்ப்பை தவறவிடுவார்கள். எனவே, நன்றே செய்வீர், அதை இன்றே, இப்பொழுதே, செய்து எடுத்துகாரியத்தில் வெற்றிபெற இப்பொழுது என் நல்வாழ்த்துக்கள்

*
திருப்பு முனை
RAMKI

உங்களது பிரச்சனைகளோ, பாதிப்புகளோ சில நேரங்களில் உங்களிடம் ஒரு பெரிய மாறுதலை ஏற்படுத்தலாம். பிரச்சனைகள் உங்களைப் பின்தொடர்ந்துவரும் பொழுது, அதனை சமாளிக்கவும், அதிலிருந்து தப்பிக்கவும் நீங்கள் முழு மூச்சில் முயற்சி செய்ய துவங்கிவிடுவீர்கள். உங்களின் பிரச்சனைகள், உங்களது பலவீனம் என்ன என்பதை உணர்த்திவிடும். அப்பொழுது பலவீனங்களை பின்தள்ளி முன்னேற தானாக செயல்பட ஆரம்பித்துவிடுவீர்கள். ‘புது பிரச்சனை வந்துவிட்டதே’ என நொந்து போவதை தவிர்த்து, அதனை சமாளிக்க பழகிக்கொள்ளவேண்டும். வாழ்வில் ஒவ்வொரு சவால்களும் உங்களது நிலையை உயர்த்திக்கொண்டே போகும்.
உங்கள் பிரச்சனைக்கு நீங்களும் ஒரு காரணமாக இருக்கும்பொழுது, அதிலிருந்து தப்பிக்க பாஸிட்டிவ்வாக எடுத்துக்கொண்டு, அதையே உங்கள் வாழ்வில் ஒரு ‘திருப்பு முனையாக’ நினைத்து சவால்களை முறியடிக்க முயலவேண்டும். சரித்திரத்தை எடுத்துக்கொண்டால், பல்லாயிரக்கணக்கான பிரச்சனைகளிலிருந்து தான் சமுதாயம் நன்கு முன்னேறியுள்ளதை தெரிந்துகொள்கிறோம். அதுபோன்று, உங்கள் வாழ்வில் நீங்கள் எதிர்கொண்ட சவால்களால் உங்களின் நிலையை உயர்ந்தியிருப்பதை உணர்வீர்கள். ‘எல்லம் நன்மைக்கே..’, ‘ஆல் இஸ் வெல்’ என்று எல்லாவற்றையும் பாஸிட்டிவ்வாக வாழ கற்றுக்கொண்டால், பிரச்சனைகள் என்றும் உங்களை நிழல்போல் தொடர்ந்து வராது என்று சொல்லவும் வேண்டுமோ?
*
மனிதன் மனிதன், அவனும் மனிதன்
RAMKI

உங்களுடன் ஒருவர் தொடாபில் இருக்கும் பொழுது அவரை முதலில் ஒரு மனிதனாக மதிக்க கற்றுக்கொள்ளுங்கள். அவர் உங்களது இமெயிலை பெறுபவராக இருக்கட்டும், அல்லது போனில் பேசுபவராக இருக்கட்டும், அல்லது ஒரு தனி தபர் உங்களை சந்திக்க வரிசையில் காத்திருப்பவராக இருக்கட்டும். இப்படி யாராக இருந்தாலும் அவரும் ஒரு மனிதன் என்பதை கவனித்தில் கொள்ளவேண்டும்.
ஒவ்வொருவருக்கும் பல நம்பிக்கைகள், கனவுகள். மகிழ்ச்சிகள், வலிகள், பிரச்சனைகள், சாமர்த்தியங்கள். விருப்பங்கள், செய்யவேண்டிய வேலைகள், தனிப்பட்ட கருத்துக்கள் என பல்லாயிரம் உள்ளன என்பதை மறந்துவிடாதீர்கள். அவரையோ அல்லது அவளையோ உங்களுக்கு பிடித்தும், பிடிக்காமலும் இருக்கலாம். அவரது கருத்து உங்களோடு ஒத்துப்போகலாம், போமாகலிருக்கலாம். இருப்பினும், அவர்களை மரியாதையோடு, புரிந்து கொண்டு உதவ முன்வரவேண்டும்.

இவவுலகில் உங்களோடு இருப்பவர்கள், உங்கள் வாழ்வு மேலும் பிரகாசிக்க வைப்பவர்களாக பாவியுங்கள். மற்றவர்களோடு உதவ, கவனித்துக்கொள்ள உங்கள் நேரத்தை ஒதுக்குங்கள். மற்றவர்களோடு செலவிடும் பொழுதை பொன்னான தருணமாக நினைத்து, அவர்கள் மீது தனிகவனம் செலுத்தி, அவர்களது கருத்துக்களுக்கு செவிசாய்க்கவும். உங்களது உறவுக்கு மதிப்பளித்து, தொடர்ந்து என்றும் அன்போடு பழகுங்கள். அவர்களை மதிப்பது, கவனிப்பது, பதிலளிப்பது, பாராட்டுவது, இடமிளிப்பது போன்றவந்றை உங்களுக்கு தெரிந்தவர்களுக்கு மட்டுமின்றி, உங்கள் வாழ்க்கைப் பாதையில் சந்திப்பவர்களுக்கெல்லாம் நீங்களாகவே முன்வந்து உதவ தயங்காதீர்கள். உங்களை சுற்றியிருப்பவர்களுக்கு மதிப்பளித்து வாழ்வது, உங்கள் வாழ்க்கையில் ஒரு தனிஅர்த்தத்தை ஏற்படுத்தும் என சொல்லவும் வேண்டுமோ?

*

CHANDAMAMA BUILDING - Where you gone?

CHANDAMAMA BUILDING - Where you gone?
சந்தமாமா பில்டிங்ஸ் / நீ எங்கே சென்றாய்?

Once ‘Chandamama Building’ at Arcot Road (just opp. to Vadapalani Police Station and the signal) was a land mark in Kodambakkam area and to every one. It was a world famous building in Vadapalnai, without any doubt.

The said building was belonged to Vijaya Vauhini Stuido Owner & Producer late Sri. B. Nagi Reddi. When the dawn of every day there was a big queue at the entrance to get the handmade medicine for jaundice from the first lady of the building none other han the very simple Mrs. B. Nagi Reddi - Smt. Seshamma!! The patients started believing once they get the medicine from her golden hand, they will recover very soon and it was done really a magic.

The Prasad Process Pvt Ltd and the BNK Press Private Ltd, was also inside this big compound. The Prasad Process was one of the Asia's Biggest offset printing press and popular for priting huge size wall posters from Air India to Hindustan levers. Orders will pour in from various states including Mumbai!!

More than 20 magazines will roll out from the press every month - Chandamama in 14 languages (!!); Mangai (women’s magazine), Bommai (film magazine), Vijaya Chitra, Vanitha, (Telugu & Kannada) The Heritage, Junior Quest, Walt Disney Comics etc., All these magazine editorial & art departments were functioned in this compound.


Soviet Union magazines were printed here and popular in those days. Not only the wall posters and book and magazines, even the Calenders will roll out from the Prasad Process press regularly. The entire printing floor was always busy and the staff moving in ‘kakki’ uniforms here and there. Even the chief of the Prasad Process, Sri B. Venugopal.Reddi was also in Kaaki pant andshirt to show the closeness of the staff and management!! And the letter press, BNK Press Private Ltd was always buzy in printing invitations, cards, bulletins, handbills etc.


The binding and the transport sections were always work in full swing.

Postal department stationed their wing in the chandamama compound itself to dispatch the 20 magazines immediately after printing in hot to all over India!! Magazine distributors and Agents will stand in queue from early morning to collect the hot selling books – Chandamama, Mangai, Bommai etc etc from this compound.

This building staff were always get respect if they say, “I am from Chandamama Building” wherever they go.


Regi Simon, who worked for 15 years as Production coordinator remembers : “those days who worked in PRASAD PROCESS have taken abroad for placements like Dubai and Saudi Arabia very easily as the name was well know by other countires. BNK press is very famous for gold foil printing which used on bottles as labels (Whiskey, Brandy bottles). And also famous for dye cutting to make cartoon boxes of drinks those days” .

In the Chandamama building various latest model cars will stand in rows (with unique 4 digit nos but all mixed with 3 of 6 or 9 only) and drivers in queue!!

The big greenery lawn and a place to play for children was also liked by everyone. The two white bullocks statue was a lovely piece to see. Chandamama building’s hot coffee was very famous and delicious – they get good fresh & thick milk straight from their own Vijaya Gardens.

Nagi Reddi's sons and their family members were stayed there for long very happily. But most of the days, Sri Nagi Reddi stayed in a cool greenery place “Vijaya Gardens”. BNR families join together often and regular family celebrations and various parties is a routine affair.

Chandamama building was also famous for film shooting even though their Vijaya Vauhini studio and the Vijaya Gardens are there nearby!!. Lot of film personalites visit this compound often from MGR, Sivaji to Rajini and Kamal for their film shooting or to attend Nagi Reddi’s family parties or get-together or just as a friend.

After Nagi Reddi and Mrs. Nagi Reddi passes away, slowly the time changed. Now the entire compound was soled, printing units were closed, and the families were moved out. Now in that compound, we can see only new hi-tech buildings standing up and the local people are missing the world famous “CHANDMAMA BUILDING” very much.

When I shared my feelings of missing the Chandamama building with my well-wisher Sri B. Viswanatha Reddi, Nagi Reddi’s 3rd son recently he mentioned that, “I too miss those wonderful days we spent in our ‘Chandamama Buildings’ and they are so green in my memory ”. He further said, “I believe in Bhagavat Gita which says “that nothing is permanent and the position / the standing we hold in life is just an illusion”. It is true, true, true….

-Ramki (wadalaramki@yahoo.co.in Mobile : 9790684708)
The writer was worked in Chandamama & Dolton group for more than 13 years. He is currently Executive Coordinator, Scientific Committee of All India Ophthalmological Society. He is also a freelance writer and cartoonist.

இந்திய பேனா நண்பர் பேரவை நண்பர்கள் தினம்

இந்திய பேனா நண்பர் பேரவை நண்பர்கள் தினம்



கோவை திம்மம்பாளையம் ஆனந்தவனம் என்னும் ஆதரவற்ற குழந்தைகள் குருகுலத்தில், இந்திய பேனா நண்பர் பேரவை (மும்பை பதிவு) கோவை கிளை சார்பாக நண்பர்கள் தினம் மார்ச் 11, 2012 அன்று கொண்டாடியபோது, குருகுலத்திற்க்கு தேவையான வாட்டர்பில்டர் மற்றும் பாத்திரம் கோவை மாவட்ட அமைப்பாளர் வெ. ராஜா, வீரராகவன், ராம்கி, மற்றும் பல உறுப்பினர்கள் வழங்கிய போது எடுத்த படம்.

அந்த குருகுலம் மிகவும் அமைதியாக சிறிய மலைஅடிவாரத்தில் உயர்ந்து நிற்கிறது. நாங்கள் நுழைந்ததும் குருகுலத்தின் அம்மா எங்களை அன்போடு வரவேற்று, இளைப்பார நீர் மற்றும் பழச்சாறு அளித்தார்கள். அங்கே ஒரு குழல் ஊதும் கிருஷ்ணனின் சிலை மிகவும் அழகாக இருந்தது. அக்குழந்தைகள் பற்றியும் அவர்களது குடும்ப சுழல் பற்றியும் கேட்டு தெரிந்துகொண்டோம்.

குருகுல குழந்தைகளுக்காக நாங்கள் அனைவரும் சேர்ந்து வாங்கிய வாட்டர் பில்டர் மற்றும் 25கி அளவு பெரிய எவர்சில்வர் டப்பாவை (அரிசி போன்ற பொருட்களை போட்டுவைக்க பயன்படும் பாத்திரம்)கோவை ஐபிஎல் சார்பாக நாங்கள் அளித்தோம். பின் போட்டோ எடுத்துக்கொண்டோம்.

சிறிது நேரம் 5 குழந்தைகளோடு விளையாடி மகிழ்ந்தோம். மொபைல் போனில் பாட்டு போட்டு குழந்தைகளை டான்ஸ் ஆடச்சொன்னோம். அவர்களும் குஷியாக விளையாடினர். குருகுலத்திலிருந்து பார்த்தால் எதிரே இயற்கை எழில் நம்மை மெய்மறக்கச்செய்தது. பிறகு நாங்கள் கிளம்ப தயாரானபோது, அம்மா எங்களை சாப்பிட அழைத்தார்கள். அவர்களுக்கு சிரமம் அளிக்ககூடாது என நாங்கள் இருந்தோம். இருப்பினும் எங்களை இதை சாமி பிரசாதமாக நினைத்து சாப்பிடுங்கள் என்று அம்மா சொன்னதை தட்டமுடியாமல் நாங்கள் இருங்க, சுடச்சுட தக்காளி சாதம், அப்பளம், தயிர்சாதம் வாழையிலை போட்டு பரிமாறப்பட்டது. பிறகு அம்மாவிடமும், குழந்தைகளிடமும் நாங்கள் விடைபெற்றோம். எங்களுக்கு அம்மா உடனே கார் ஏற்பாடு செய்து கொடுத்தார்கள். வெளியைவந்ததும் நான் குழந்தைகளுக்கு கையசைத்து டாட்டா காட்ட யாருமே டாட்டா காட்டவில்லை, அதற்கு பதிலாக இருகரம்கூப்பி ஹரி ஓம்... ஹரி ஓம்....என்று குழந்தைகள் சொன்னார்கள், பதிலுக்கு நாங்களும் ஹரி ஓம் என்று சொல்லி கிளம்பினோம். சில மணி நேரங்கள் அக்குழந்தைகளோடு குருகுலத்தில் இருந்தது மனதிற்கு சாந்தி தந்தது.

ஐபிஎல் கோவை மாவட்ட அமைப்பாளர் வெ. ராஜா அனைத்து ஏற்பாடுகளையும் அருமையாக செய்திருந்தார். 30ம் மேற்பட்ட உறுப்பினர்களை குறைந்த நாட்களில் ஐபிஎல்லில் சேர்த்த பெருமையும், சாதனையும் ராஜாவுக்கு உண்டு. தொடரட்டும் அவரது சேவை. தொடரட்டும் மனித நேயமும், நட்பும். விரைவில் கோவை உறுப்பினர்கள் அனைவரையும் ஒரே இடத்தில் ஒரு நாள் சந்திக்க வேண்டும் என்று ராஜாவிடம் கூறினேன்.

ஐபிஎல் தலைவர் கருண் அவர்களுக்கு இத்தருணத்தில் நண்பர்கள் தினம் மற்றும் பிறந்த நாள் நல் வாழ்த்துக்களை போனில் தெரிவித்து வாழ்த்தினேன்.கருண் அவர்களின் வழிகாட்டுதலின் பேரில் இன்னும் நிறைய சமூகசேவை செய்ய கடவுள் எங்களுக்கு அருளவேண்டும்.

ராம்கி

RAMKI FELICITATED AT AIOC2012 COCHIN - RAMKI HONOURED

RAMKI'S UNFORGETTABLE MOMENTS AT COCHIN


Dr.N.S.D.Raju, President of All India Ophthalmological Society handing over a Memento to Ramki, Executive Coordinator at the 70th Annual Conference of All India Ophthalmological Society held on 2.2.2012 at Le Meridien, Cochin.




Dr.D. RAMAMURTHY, Chairman, Scientific Committee-AIOS & Chairman, The Eye Foundation with Ramki and Dr.Dr. Lalit Verma, General Secretary, AIOS.



RAMKI with Dr. Lalit Verma, General Secretary of All India Ophthalmological Society


DR. R.V.AZAD, RAMKI & DR. ASHOK GROVER.



Dr.D. RAMAMURTHY, Chairman, Scientific Committee-AIOS & Chairman, The Eye Foundation with Ramki and Dr.Dr. Lalit Verma, General Secretary, AIOS.

photos courtesy: Dr. MANGAT DOGRA, Chandigarh