கோதுமை தோசை செய்வது எப்படி??

கோதுமை தோசை செய்வது எப்படி??
PORUR ராம்கி

ஒருவருக்கு (சுமார் 5 தோசை)

தேவையான பொருட்கள்
நல்ல கோதுமை மாவு 2 டவரா
சீரகம் 3 டீ ஸ்பூன்
பச்சைமிளகாய் 2 (பொடிப்பொடியாக நறுக்கியது)
உப்பு தேவையான அளவு
கருவேப்பிலை சிறிது
தண்ணீர் தேவையான அளவு
எண்ணெய் தேவையான அளவு

ஒரு பாத்திரத்தில் 2 டவரா கோதுமை மாவை போடவும். அதில் உப்பு சேர்த்து தேவையான தண்ணீர் விட்டு நன்றாக கையால் பிசைய வேண்டும். அத்துடன் சீரகம் 3 டீ ஸ்பூன், பொடிப்பொடியாக நறுக்கிய பச்சைமிளகாய், கருவேப்பிலை போன்றவற்றையும் சேர்த்து பத்து நிமிடங்கள் கழித்து தோசை சுடலாம்.

தோசைக்கல் சற்று அதிகசுட்டில் இருக்க வேண்டும். முதலில் தோசைக்கல்லில் இரண்டு சொட்டு எண்ணெய் விட்டு தடவவும். இதனால் முதல் தோசை கிண்டாமல் வரும். எண்ணெய் அதிகம் விட வேண்டும் என்ற அவசியமே இல்லை. சில சொட்டுக்கள் எண்ணெய் பயன்படுத்தினாலும் போதும். அமெரிக்காவில் எண்ணெய் அதிகம் சேர்க்க விரும்பாதவர்கள் தற்போது இங்க் பில்லர் மூலமாக எண்ணெய்யை சொட்டு சொட்டாக விட்டு தோசை செய்கிறார்கள்.

மேற்சொன்ன பொருட்களுடன் வெங்காயத்தையும் (மிகப்பொடி பொடியாக நறுக்கியது) சேர்த்து தோசை சுடலாம்.

சிலர் பொடிப்பொடியாக நறுக்கிய தக்காளியையும் சேர்த்து தோசை சுடுகிறார்கள்..